Corcyra
Vide etiam paginam discretivam: Corcyra (discretiva)
Corcyra (Graece Κέρκυρα) est insula Graeciae. Caput insulae est urbs eiusdem nominis. Corinthiorum colonia erat quae tamen inimicitias asperas erga metropolim plerumque fovebat[1].
Historica[recensere | fontem recensere]
Quinto saeculo classe maxime pollebant et Corinthios navali proelio 435 et 433 a.C.n. vicerunt. Lis enim de colonia Epidamno orta erat quam simul olim deduxerant. Tum periculi ob magnitudinem Atheniensium societatem inierunt ita ut exorto Bello Peloponnesiaco classem suam Atheniensi adiunxerunt[2]. Mox tamen optimates a Corinthiis incitati bellum civile moverunt et popularium ducem eundemque Atheniensium proxenum Pithian interfecerunt (427 a.C.n.). Et Lacedaemonii et Athenienses classem auxilio fautoribus suis misere. Athenienses tum superiores fuereː optimatium igitur Corcyraeorum magna caedes fuit et tum magnae partis[3] et anno 425 a.C.n. reliquorum qui e montibus rura vastabant[4]. Anno 375 a.C.n. Corcyraei secundam confoederationem maritimam Atheniensium inierunt. Quocirca anno proximo diu a classe Lacedaemoniorum obsessi sunt qui tamen obsidionem solvere re infecta coacti sunt[5].
Notae[recensere | fontem recensere]
- ↑ Thucydides libro primo de Bello Peloponnesiaco 24-55. Herodotus, Thalia 48-53
- ↑ Thucydides II.25. Plutarchus, Pericles 29.1-5
- ↑ Thucydides III.69-85
- ↑ Thucydides IV.46-48
- ↑ Xenophon, Hellenica V.4.63-6, VI.2.2-3.
Bibliographia[recensere | fontem recensere]
- Opera antiquiora
- D. T. Ansted, The Ionian Islands in the year 1863. Londinii: W. H. Allen, 1863 Textus apud archive.org
- William Goodisson, A Historical and Topographical Essay upon the Islands of Corfù, Leucadia, Cephalonia, Ithaca, and Zante. Londinii: Underwood, 1822
- Henry Jervis-White Jervis [sic], History of the Island of Corfú and of the Republic of the Ionian Islands. Londinii: Colburn, 1852 (Textus apud Google Books) Textus apud archive.org
- Andrea Marmora, Della historia di Corfu ... libri otto. Venetiis: presso il Curti, 1672 Textus apud archive.org
- Opera recentiora
- Lawrence Durrell, Prospero's Cell: a guide to the landscape and manners of the island of Corcyra. Londinii: Faber, 1945
 |
Haec stipula ad geographiam spectat. Amplifica, si potes! |
- Aliae encyclopaediae
- "Corcyra" in Gulielmus Smith (1854). Dictionary of Greek and Roman Geography. Londinii: Walton & Maberly